Ný lög

Var að setja inn í spilarann 2 lög eftir mig sem tekin voru upp á Gauknum í haust. Það er hljómsveitin M-blues project sem spilar þarna með mér. Þrusu band. Þetta eru lög sem verða sennilega á næsta disk mínum sem kemur líklega út nk.haust. Tengdapabba blús og Ferlegt bögg. Gaman væri að heyra comment frá ykkur um þessi lög og hvort þau ættu að vera á disknum.

 

Takk og bless

:)

Nóg að gera

Ég er nú ekki sá duglegasti í blogg bransanum. En það er nú sennilega vegna þess að ég hef ekki tíma í að blogga mikið. Nóg að gerast hjá gamla þessa dagana. Að stjórna tónlistarskóla er ekkert grín og því fer mikill tími í að vera að vinna, sem er samt ótrúlega gaman. Ég útsetti mitt fyrsta lag með Sniglabandinu sem tekið var upp sl.mánudag. Það er endurgerð á vinsælu lagi frá þeim í swing Basie fíling. 8 blásarar og læti. Að öllum líkindum fæ ég að sjá um allar brass útsetningar á næsta disk þeirra, sem er mjög spennandi verkefni. Svo er ég líka að blása með þeim ásamt Sigga Perez mínum gamla lærimeistara, Sævari Önd ofl góðum mönnum. Meira af útsetningarverkefnum því ég fékk það verkefni að útsetja 2 lög fyrir Lúðrasveit Verkalýðsins og 200.00 Naglbíta. 5 menn voru valdnir til að útsetja 2 lög og verður þetta tekið upp með útgáfu í huga. Það er mjög mikill heiður að fá að vera með í þessu, þó svo að Verkalýðurinn hefur aldrei verið mín hljómsveit.  Spilerí á Brodway á föstud. Þar verður heilmikið Bo Hall show undir stjórn Guðna Braga frá Húsavík. Reyndar verður Bo sjálfur ekki með en hver nennir svo sem að hlusta á hann?  Útgáfutónleikarnir mínir verða svo 12 apríl í sal FÍH. Minni á síðuna mína mmusic.is þar sem hægt er að kaupa diskinn minn á spott prís til styrktar einstökum börnum.

Allt að gerast

Klikk klikk.

Takk fyrir stuðninginn

Salan á disknum gengur vonum framar og vil ég þakka öllum sem hafa styrk þetta málefni með því að kaupa disk kærlega fyrir.

Þetta er magnað

  Greið maðurinn, eða kannski bara konan. Sennilega bara bæði. Ætli hann hafi keypt hennar þjónust?

Hitti konuna í vændishúsi

Popp-punktur dagsins

Reporter: Why do you think you get more fan mail than anyone else in the group?

Ringo Starr: I dunno. I suppose it´s because more people write to me.

-1964 

Diskurinn

Jæja, salan á disknum byrjar vel og er amk komin ágætlega fram yfir kostnað. Sem kemur sér vel fyrir einstök börn. Þeir sem vilja hlusta á brot úr lögunum geta farið inn á M-music síðuna mína og klikkað á dálkinn útgáfan og þá er hægt að heyra brot úr lögunum.

Útgáfutónleikar verða svo fimmtudaginn 14.febrúar í Iðnó.

Ég vil þakka enn og aftur öllum þeim frábæru tónlistarmönnum sem gáfu sína vinnu til styrktar þessu málefni og spiluðu með mér. 18 tónlistarmenn af 20 gerðu það og hafði það mjög mikið að segja vegna kostnaðar. Einstök börn fá allan ágóða eftir kostnað af sölunni. 100 %...... Ég hvet alla að tékka á disknum og styrkja gott málefni um hátíðarnar. Diskurinn kostar aðeins 1.500 kr.

Gleðileg jól.... 

M-music kynnir:.

Matti sax / M-project kominn út

Þá er diskurinn minn loksins kominn út. Hann fæst eingöngu á heimasíðunni  M-music. 

Gleðileg jól