Nóg að gera

Ég er nú ekki sá duglegasti í blogg bransanum. En það er nú sennilega vegna þess að ég hef ekki tíma í að blogga mikið. Nóg að gerast hjá gamla þessa dagana. Að stjórna tónlistarskóla er ekkert grín og því fer mikill tími í að vera að vinna, sem er samt ótrúlega gaman. Ég útsetti mitt fyrsta lag með Sniglabandinu sem tekið var upp sl.mánudag. Það er endurgerð á vinsælu lagi frá þeim í swing Basie fíling. 8 blásarar og læti. Að öllum líkindum fæ ég að sjá um allar brass útsetningar á næsta disk þeirra, sem er mjög spennandi verkefni. Svo er ég líka að blása með þeim ásamt Sigga Perez mínum gamla lærimeistara, Sævari Önd ofl góðum mönnum. Meira af útsetningarverkefnum því ég fékk það verkefni að útsetja 2 lög fyrir Lúðrasveit Verkalýðsins og 200.00 Naglbíta. 5 menn voru valdnir til að útsetja 2 lög og verður þetta tekið upp með útgáfu í huga. Það er mjög mikill heiður að fá að vera með í þessu, þó svo að Verkalýðurinn hefur aldrei verið mín hljómsveit.  Spilerí á Brodway á föstud. Þar verður heilmikið Bo Hall show undir stjórn Guðna Braga frá Húsavík. Reyndar verður Bo sjálfur ekki með en hver nennir svo sem að hlusta á hann?  Útgáfutónleikarnir mínir verða svo 12 apríl í sal FÍH. Minni á síðuna mína mmusic.is þar sem hægt er að kaupa diskinn minn á spott prís til styrktar einstökum börnum.

Athugasemdir

[Einar Bragi Bragason., 30.1.2008 kl. 23:51]

til lukku með allt

[Matti sax, 31.1.2008 kl. 08:30]

Takk fyrir það félagi

[Matti sax, 3.2.2008 kl. 16:46]

Það má ekki segja strax. En það ætti að fara í spilun á næstu vikum. Þangað til verða menn að bíða spenntir

[Matti sax, 3.2.2008 kl. 18:36]

Þú verður þá að lofa því Hallur.