Hljómsveit nr.2 - Sveindómurinn

Önnur hljómsveitin sem ég var í hét Sveindómurinn. Þetta var fyrsta
hljómsveitin sem ég spilaði á hljómborð í og söng. Ég var 13 ára og við
3 vinirnir: Bibbi, Finnur og ég ákváðum að stofna hljómsveit. Bibbi
keypti sér gítar, Finnur keypti sér trommusett og ég keypti mitt fyrsta
hljómborð. Þetta var tríó og spiluðum við aðallega skátalög sem við
spiluðum á kvöldvökum hjá skátunum. (Já, ég var í skátunum) Þetta gekk
ágætlega, miðað við aldur og fyrri störf. Eftir nokkrar æfingar fannst
okkur eitthvað vanta í hljómsveitina en vissum ekki hvað það gæti verið.
Þangað til einn daginn, þá sá ég hljómsveit í sjónvarpinu sem var með 2
gítara. Einn venjulegan og annan með fjórum þykkum strengjum. Ég fór
að spyrjast fyrir um þetta hljóðfæri og komst af því að þetta væri
rafmagns-bassi og allar hljómsveitir yrðu að hafa þetta hljóðfæri með.
Þá sagði ég Kidda vini mínum að kaupa bassa sem hann gerði og þá vorum
við orðnir fjórir. Fyrsta alvöru giggið var á landsmóti
skólalúðrasveita. En nokkrum dögum fyrir það gigg þá forfallaðist
Bibbi. Ekki gátum við sleppt svona góðu giggi, þannig að ég lærði
nokkur vinnukonugrip á gítar og kenndi Hjalta vini mínum þau. Á ca.4
dögum var ég búinn að kenna honum þessi grip og við spiluðum massa gigg
á landsmótinu. Hljómsveitin spilaði í eitt ár í viðbót og lenti ma.í 3ja
sæti á hæfileikakeppni grunnskóla kópavogs.

Athugasemdir

[hgret (IP-tala skráð) 12.6.2007 kl. 22:06]

Ótrúlegt band og alveg ótrúlegt að Sveindómurinn skuli ekki hafa náð lengra þar sem topp menn voru í öllum stöðum hvort sem um ræðir hljóðfæraleik eða söng...

[Matti sax, 13.6.2007 kl. 08:09]

Já, þetta var efnilegt band.

[Hannes Heimir Friðbjörnsson, 13.6.2007 kl. 09:55]

En hvað hét bandið sem ég spilaði eitt skipti með á Fógetanum sáluga í fjarveru Finns? Það var ekki Sveindómurinn!

[Matti sax, 13.6.2007 kl. 11:02]

Það var diskó bandið Gloss Kem að því fljótlega